Тест на брзина на интернет

Стартувајте го мерењето и видете колку брзо оди вашата врска во овој момент. Тестот работи во прелистувачот, не бара сметка и не остава ништо на вашиот уред.

Мерењето трае околу 25 секунди Без сметка и без инсталација

Готово за мерење

0Mbps

Одзив: —
Отстапување: —
Симнување: —
Качување: —

Притиснете „Започни мерење“. Мерењето трае околу 25 секунди и се изведува во вашиот прелистувач.

Мерењето се изведува во вашиот прелистувач и бара активен JavaScript.

Споредете го резултатот со вашиот пакет

Резултатот е ориентационен

Мерењето преку WiFi речиси никогаш не ја покажува целата брзина на линијата: зависи од уредот, од растојанието до рутерот, од ѕидовите и од другите уреди што се поврзани во моментот. И самиот тест зависи од прелистувачот и од серверот до кој мери.

За вистинска слика поврзете се со кабел, затворете сè што презема и повторете го мерењето неколку пати. Ако и тогаш резултатот е значително под вашиот пакет, јавете се – ја проверуваме линијата.

За најточно мерење

Резултатот го покажува она што стигнува до уредот на кој мерите, а не она што влегува во станот. Овие четири работи ја прават разликата.

Поврзете се со кабел

WiFi секогаш губи дел од брзината, особено низ ѕидови и на постари уреди. Мерење преку кабел го покажува вистинскиот капацитет на линијата.

Затворете сè што презема

Стриминг, ажурирања и преземања во позадина ја делат истата линија и го намалуваат резултатот.

Мерете на еден уред

Секој телефон, телевизор и конзола во домот троши од истата врска додека трае тестот.

Повторете го двапати

Направете две-три мерења и земете го просекот – едно единствено мерење секогаш може да фати момент на оптоварување.

Прашања за тестот на брзина

Што покажува мерењето, што влијае на бројот и кога вреди да нè побарате.

Зошто измерената брзина е помала од брзината на пакетот?

Најчесто поради WiFi: растојанието до рутерот, ѕидовите и постарите уреди земаат дел од брзината. Влијае и сè што работи во позадина на уредот. Поврзете се со кабел, затворете ги преземањата и измерете повторно.

Што значат одзивот (ping) и отстапувањето (jitter)?

Одзивот е времето за кое врската одговара, мерено во милисекунди – помал број значи побрза реакција. Отстапувањето покажува колку тоа време се менува од барање до барање. Двете се важни за видео повици, игри и стриминг во живо.

Дали тестот троши од мојот сообраќај?

Мерењето презема и качува податоци, па на мобилен интернет троши од вашиот пакет. На нашата мрежа интернетот е неограничен, така што тестот не ве чини ништо.

Колку често треба да мерам?

Направете две-три мерења едно по друго и земете го просекот, а ако е можно, повторете во различни делови од денот. Едно единствено мерење лесно фаќа момент кога линијата или серверот се оптоварени.

Резултатот е значително под мојот пакет – што да правам?

Јавете се на +389071523524. Мрежата ја следиме 24/7, па ја проверуваме вашата линија додека сте на телефон и, ако треба, излегуваме на терен.

Резултатот е значително под брзината на вашиот пакет? Јавете се и ја проверуваме линијата – мрежата ја следиме 24/7 и знаеме што се случува на секоја врска.

+389071523524 Контактирајте нè

Погледнете ја и јавната IP адреса преку која интернетот ве гледа.

Моја IP адреса